THY жана Pegasus Иран, Иордания, Ирак жана Ливанга каттамдарын токтотту
Ирандын Израилге жасаган чабуулунан кийин кечээ кечинде Ливан, Иран, Ирак жана Иордания аба мейкиндигин жапты.
Түрк аба жолдору (THY) менен Пегасус аба жолдорунун Иран, Иордания, Ирак жана Ливанга болгон каттамдары Иран менен Израилдин ортосундагы тирешүү жана коңшу өлкөлөрдүн аба мейкиндигинин жабылышынан улам токтотулду.
Ирандын Израилге жасаган чабуулунан кийин кечээ кечинде Ливан, Иран, Ирак жана Иордания аба мейкиндигин жапты.
THY менен Пегасус аба мейкиндигин жапкан өлкөлөргө кечээ кечинде жана бүгүн пландалган каттамдарын өз ара жокко чыгарышты.
Аймакты көздөй учкан учактар да кайра Стамбулга бурулду.
Кечээ кечинде THYнын Стамбул-Тегеран, Стамбул-Исфахан, Стамбул-Шираз, Стамбул-Мешхед каттамдары да багытын өзгөртүп, Стамбулга кайтып келгени белгилүү болду.
THYнын Куала-Лумпур-Стамбул рейси да Дубайга бурулду.
Стамбулдагы «Сабиха Гөкчен» аэропортунан Иран жана Иракка учкан AJet жана Pegasus Airlines каттамдары токтотулуп, бул өлкөлөргө багыт алган учактар Эрзурум, Диярбакыр, Элазыг жана айланасындагы аэропортторго багыт алды.
Бул арада Ирак, Иордания жана Ливан Ирандын Израилге жасаган чабуулунан улам түндө бардык каттамдарга жапкан аба мейкиндигин бүгүн кайрадан ачты.
Израиль да учкучсуз учуучу аппараттарынын кол салууларынан улам 7 саат жабык болгон аба мейкиндигинин жарандык авиация кыймылына кайрадан ачылганын жарыялады.
