Улуттук учактар ​​алгачкы учууларына даярданууда

Түрк коргоо өнөр жайы улуттук учактар АНКА-3 жана КААНды алгачкы учууларына даярдап жатат.

Түркиянын алдыңкы авиациялык өнөр жай фирмасы Түрк авиациялык космос өнөр жайы, учкучсуз согуштук учак АНКА-3 менен улуттук согуштук учак КААНдын алгачкы учууларын ишке ашырууну максат кылууда.

«Учуучу канат» түзүлүшүнүн негизинде төмөн радар көрүнүшү, жогорку ылдамдык жана жогорку көтөрүү жөндөмдүүлүгү сыяктуу көптөгөн артыкчылыктарга ээ болгон АНКА-3 долбоорлоо, структуралык жана субсистемалык жакшыртуулардан кийин биринчи учууга даяр болду.

АНКА-3түн жылдын аягына чейин биринчи жолу асманга көтөрүлүшү күтүлүүдө.

Түркиянын эң маанилүү технологиялык өнүгүү долбоору KAAN үчүн бир канча убакыттан бери уланып жаткан жүк сыноолору аяктады.

Эң кичинекей бөлүгүнө чейин демонтаждалган KAANдын биринчи учуусунда орун ала турган миссия системалары жана подсистемалары көз карандысыз сыноолордон кийин учакта орун ала баштады.

Бул монтаждоо иш-аракети кыймылдаткычтардын прототипте орун алышы менен аяктайт.

Монтаждоо иштеринен кийин учуу тилкесине чыга турган КААН алгач акырын, андан кийин ылдам түрдө биринчи учуусуна даярданат.

Декабрь айынын орто ченинде бул иштердин тездеши жана 27-декабрда KAANдын биринчи учуусун ишке ашырышы максатталууда.