Түркиядан Газага саламаттыкты сактоо жардамы...

Саламаттыкты сактоо министри Фахреттин Кожа президенттик учактын Газага жардам берүү үчүн дары-дармек, медициналык буюмдар жана 20 адистен турган дарыгер тобу менен Египетке жөнөөрүн жарыялады.

Кожа социалдык медиа эсебинен жасаган билдирүүсүндө Египеттин саламаттыкты сактоо министри Халед Абдел Гаффар менен керектүү жолугушууларды өткөргөнүн жана 20 кишилик эксперттик топтун Египет бийлиги менен бирге Газа калкынын муктаж болгон дары-дармектерин, медициналык материалдарды жана аппараттарды аныктоосу үчүн макулдашканын айтып: «Биздин команда Египеттин Саламаттыкты сактоо министрлиги менен түзүлгөн пландардын алкагында Эль-Ариш аэропортунда жана Рефах чек ара дарбазасында курула турган талаа ооруканаларыбыздын техникалык-экономикалык негиздемесин жүргүзөт. Бул иш-чаралар менен бир эле учурда Египеттин Саламаттыкты сактоо министрлиги тарабынан берилген керектөөлөр тизмесиндеги дары-дармек, медициналык керектелүүчү материалдар жана медициналык шаймандар биздин 3 жүк ташуучу учагыбыз менен Эль-Ариш аэропортуна жөнөтүлүшү пландалууда. Мындан тышкары, керектүү координациялар аяктагандан кийин талаа ооруканалары жана тез жардам унааларынын кеме менен аймакка жөнөтүлүшү пландалууда»,-деди.

Кожа, техникалык-экономикалык негиздемелерди жасай турган топтун сөз болгон дары-дармек жана медициналык керектелүүчү материалдарды Газадагы жабыр тарткандарга жеткирүү үчүн тиешелүү тараптарга жеткирүүнү пландап жатканын баса белгилеп: «Дүйнөдөгү бардык сезимтал адамдардын жүрөгүнө кубаныч тартуулай турган аракетибиз бар. Рефах дарбазасынан өтүү үчүн жардамды баштоо. Адамзаттын көзү Газа үчүн чара көрө ала турган өлкөлөрдө. Мүмкүн болгондун бардыгы жасалып жатканын биздин улут билиши керек»,-деп айтты.