Түштүк Кореянын тышкы иштер министри Пак Анадолу агенттигине маалымат берди

Түштүк Кореянын тышкы иштер министри Пак Чжин Түркиянын өлкөсүнүн Европадагы эң маанилүү экономикалык өнөктөштөрүнүн бири экенин айтты.

Пак Түркиядагы жолугушууларынын алкагында борбор шаар Анкарада Анадолу агенттигине маалымат берди.

Өлкөсүнөн Түркияга 8 жылдан кийин сапар жасаган биринчи министр экенине көңүл бурган Пак, «кан боордош өлкө» катары эсептелген Түркияга сапарынын мааниси зор экенин, келерки мезгилде эки өлкөнүн стратегиялык өнөктөштүгүнүн ар кандай тармактарда дагы да өнүгө турганын айтты.  

Түркиянын Корея согушуна эң көп аскер жиберген 4-өлкө болгонун эске салган Пак: «Элибиз Түркиянын баатырдыгын жана жан аябастыгын унутпай, ар дайым ыраазы болуп, эки өлкөнүн элдери бири-бирин «бир тууган өлкө» катары тааныйт»,-деди.

Түркияда 160ка жакын кореялык фирманын иштегенин белгилеген Пак, Түркиянын Түштүк Корея үчүн Европадагы эң маанилүү экономикалык өнөктөштөрдүн бири экенине көңүл буруп: «Евразия туннели жана 1915 Чанаккале көпүрөсү сыяктуу эки өлкөнүн ортосундагы ийгиликтүү кызматташтыктын мисалдары инфраструктура тармагында көрсөтүлдү. Өз ара ишенимсиз кызматташуу мүмкүн болбогон коргонуу өнөр жайында "Алтай" танкын тапшыруу аземи ушул жылдын апрель айында президент Режеп Таййип Эрдогандын катышуусунда өткөрүлдү»,-деп билдирди.

6-февралда болгон жер титирөөлөрдөн кийин өлкөсүнүн жер титирөө болгон аймактарга карата аракеттерине да токтолгон Пак, өлкөсүнүн андан бери 5 миллион долларлык гуманитардык жардам көрсөткөнүн айтты.

Эки өлкөнүн ортосундагы коргоо өнөр жайы кызматташтыгынын келечеги жаркын экенин белгилеген Пак, Түркия менен Түштүк Кореянын ортосундагы эркин соода келишиминин тең салмактуу иштеши үчүн тараптардын өз кызматташтыгын арттыра турганына басым жасады.