Түркиядан АКШ жана Европа өлкөлөрү үчүн саякат эскертүүсү

Түркия АКШ  жана Европа өлкөлөрү үчүн саякат эскертүүсүн жарыялап, чет элдиктерге жана расисттик чабуулдарга жана диний сабырсыздыкка көңүлдөрдү бурду.

Тышкы иштер министрлигинин АКШ үчүн жасаган саякат эскертүүсүндө АКШнын Теннесси штатынын Мемфис шаарында Тир Николс аттуу адамдын полициянын зомбулугуна кабылып каза болушунан кийин АКШда нааразылык акциялары өткөнү жана АКШда чет элдиктерге расисттик мүнөздөгү оозеки жана физикалык чабуулдар болгондугу байкалганы белгиленген.

Эскертүүдө, «Биздин жарандар үчүн АКШнын коопсуздук күчтөрү жана биздин министрлик, Вашингтондогу элчилигибиз жана АКШдагы Башкы консулдуктарыбыз тарабынан берилиши мүмкүн болгон кошумча эскертүүлөргө жана жарыяларга баш ийүүлөрү өзгөчө пайдалуу», делди.

Тышкы иштер министрлигинин Европа өлкөлөрүнө жасаган саякат эскертүүсүндө кээ бир Европа өлкөлөрүндө исламга каршы, ксенофобиялык жана расисттик кыймылдардын жана террордук уюмдарга байланыштуу топтордун Түркияга каршы пропагандалык демонстрацияларынын көбөйгөндүгү белгиленди.

Эскертүүдө, Европадагы диний сабырсыздыктын жана жек көрүүнүн кооптуу өлчөмдөрүн чагылдырган бул окуялардын Европада расисттик жана дискриминациячыл кыймылдардын жеткен коркунучтуу деңгээлин ачык көрсөткөнү баса белгиленди.

АКШ жана Европада жашаган же бул өлкөлөргө саякаттоону пландаган түрк жарандарынын Тышкы иштер министрлигинин Консулдук чалуу борборуна +90 312 292 29 29 телефону аркылуу кайрылып, ыктымалдуу чет элдиктерге душмандык, расисттик куугунтуктоо жана кол салууларга карата токтоолук менен жергиликтүү коопсуздук күчтөрүнө кайрыла алышары талап кылынган.