Чавушоглу: «Террордук уюмдардын өлкөбүзгө каршы пропагандасы менен күрөшүп жатабыз»

Тышкы иштер министри Мевлүт Чавушоглу: «ПККнын да, ФЕТӨнүн да, башка террордук уюмдардын да өлкөбүзгө каршы пропагандасы жана айыптоосу менен күрөшүп жатабыз»,-деди.

Мевлүт Чавушоглу 13-Элчилер конференциясынын алкагында адилет министри Бекир Боздаг элчилерге кайрылуу жасаган сессияда сөз сүйлөдү.

Түркиянын «террордон көп жабыр тарткан өлкө» экенин белгилеген Чавушоглу: «Адилеттик менен коопсуздуктун ортосундагы кылдат тең салмактуулукту көп жылдардан бери байкап келе жатабыз. Бул маселелер чет өлкөдөгү милдетибиздин маанилүү бөлүгүн түзөт. ПККнын да, ФЕТӨнүн да, башка террордук уюмдардын да өлкөбүзгө каршы пропаганда жана айыптоолору менен күрөшүп жатабыз”,-деп айтты.

Чавушоглу «Заманбап дипломатиянын көп катмарлуу, көп векторлуу, кызыкдар тараптары жана актерлору бар» экенине көңүл буруп, кызматташуу институттарынын ар түрдүү көз караштары алардын көз караштарын байытканын белгиледи.

Адилет министрлигинин бул мекемелердин башында турганын баса белгилеген Чавушоглу, «мыйзам үстөмдүгү, демократия, адам укуктары» сыяктуу түшүнүктөрдүн тышкы саясаттын негизги принциптеринен болгонун айтты.

Мевлүт Чавушоглу Адилет министрлиги менен кызматташуу тууралуу да маалымат берип, Швеция жана Финляндия менен бул өлкөлөрдүн НАТОго мүчөлүгү үчүн жетишилген келишимдердин маанилүү бөлүгүнүн соттук темаларды камтыганын белгиледи.

Чавушоглу, тышкы саясаттын аярлуу темаларында Адилет министрлигинен пикир алгандарын жана биргелешкен изилдөөлөрдү жүргүзүшкөндөрүн белгиледи.

«Ошондой эле Европадагы жарандарыбызга каршы дискриминация жана расисттик практиканын күчөшү боюнча иш алып баруу абдан маанилүү. Биз чет өлкөдөгү уюмдарыбызда Адилет министрлиги менен иштешебиз”,-деди ал.

Тышкы иштер министри эл аралык аренада Европа Кеңеши, Адам укуктары боюнча Европа соту (АУЕС) жана Бириккен Улуттар Уюму (БУУ) сыяктуу уюмдар менен абдан тыгыз кызматташкандарын белгиледи.