Тышкы иштер министринин орун басары Кыран Батыш Фракияда...

Тышкы иштер министринин орун басары Явуз Селим Кыран Түркия Республикасынын куруучу документи катары сыпатталган Лозанна келишиминин Батыш Фракия түрктөрүнүн да тагдыры экенин белгиледи.

Батыш Фракия түрк азчылыгынын маркум лидери Доктур (Д-р) Садык Ахметтин өлүмүнүн 27-жылдыгына байланыштуу өткөрүлгөн эскерүү аземине катышуу үчүн Батыш Фракияга барган Кыран делегациясы менен бирге 14-июлда каза болгон Искеченин шайланган муфтий Ахмет Метенин мүрзөсүн да зыярат кылды.

Батыш Фракия түрк азчылыгынын маркум лидери Д-р. Садык Ахмет каза болгонунун 27 жылдыгында мүрзөсүндө уюштурулган азем менен эскерилди.

Аземде сөз сүйлөгөн Кыран Садык Ахметтин укуктар үчүн күрөштө унутулгус символ экенин айтты.

Бүгүнкү күндүн (кечээ) Түркия Республикасынын негиздөөчү документи катары да сыпатталган Лозанна келишиминин 99 жылдыгы болгонун эске салган Кыран: «Түркия Республикасынын негиздөөчү документи катары сыпатталган келишим Батыш Фракия түрктөрүнүн да тагдыры. Бул чындыгында Түркия Республикасы менен түрктөрдүн ортосундагы тагдыр биримдигинин документи, расмий сүрөтү. Ошондуктан биз Лозанна келишиминин ар бир жобосунун так аткарылышын байкайбыз, бул жоболорду бузбайбыз жана биз бул жоболорду бузууга аракет кылгандарга дайыма каршыбыз жана мындан ары да каршы болобуз»,-деди.

Батыш Фракия түрк азчылыгынын Грециядагы укук бузууларына байланыштуу Европа Адам укуктары сотунун чечимдерин эске салган Кыран: «Бул чечимдерди жана бул чечимдердин темасы болгон маселелерди да дайыма байкай турганыбызды Түркия Республикасы катары биз дагы бир жолу маркумдун (Д-р Садык Ахмет) жаркын элесинин алдында убада кылабыз»,-деп айтты.

Кыран президент Режеп Таййип Эрдогандын эскерүү аземи үчүн жиберген билдирүүсүн да окуду.