Эрдоган Финляндия менен Швециянын Түркиядагы сүйлөшүүлөрүнүн күтүлгөн деңгээлде болбогонун айтты
Эрдоган Азербайжанга жасаган сапарынан кайтып келгенде учакта журналисттерге баа берип, суроолорго жооп берди.
Президент Режеп Таййип Эрдоган, Финляндия менен Швециянын НАТОго талапкерлиги үчүн Түркияда өткөрүлгөн сүйлөшүүлөрдүн күтүлгөн деңгээлде болбогонун айтты.
Эрдоган Азербайжанга жасаган сапарынан кайтып келгенде учакта журналисттерге баа берип, суроолорго жооп берди.
Президент:«Алардын күтүүлөрү бар, бирок Түркияга карата ташташы керек болгон кадамдарды жасашпайт жана бул сүйлөшүүлөрдүн жүрүшүндө өзгөчө Швеция Стокгольмдун көчөлөрүндө террористтерди жайында коюп, аларды өз полициясы менен коргоп жатат. Алар жыйын өткөргөн күнү кечинде Швециянын мамлекеттик телеканалында Салих Муслим деген террорист көрсөтүлүп, террордук сөздөрдү айтып, бизге ар кандай жамандыктарды жасагандыктары сыяктуу F-16 маселесине карата терс мамилесин жана мамилесин дагы эле улантышууда.
Алар ишеничтүү эмес, чынчыл эмес. Коопсуздук уюму болгон НАТОдо мындай террористтерди кучактап, азыктандырган өлкөлөргө карата мурда кетирилген катаны кайталай албайбыз. Ал эмне эле? Тактап айтканда, Греция мурда НАТОдон чыгып кеткен жана ошол кездеги түрк башкаруучулугу Грециянын кайрадан НАТОго кирүүсүнө жол ачкан. Греция да ошол эле сөздөрдү айтып, эч нерсе болбойт деп айтып жатты. Карагылачы, учурда Грециянын Европага аздыр-көптүр 400 миллиард евро карызы бар. 5+4, башкача айтканда учурда Грецияда АКШнын 9 базасы бар. Анда бул базалар кимге каршы түзүлүп жатат, бул базалар эмне үчүн ал жерде?
Бул жерде алар эмне деп жатышат: «Орусияга каршы...» Калп... Алар чынчыл эмес. Булардын баарынын алдында Түркияга болгон мамилеси ачык көрүнүп турат. Бул жерде өткөн күнү (Грек премьер-министри Кириакос) Мицотакиске эмне кылышты. Америкада Өкүлдөр палатасы менен Сенаттын эшигин ачып, ошол жерде сүйлөтүштү. Бул сөзүндө алар кол чабыштыбы? Алар кол чабышты. Бардык бул окуяларда F-16лар кайрадан күн тартипке чыгарылдыбы? Чыгарылды. Тайып Эрдоган Түркия Республикасынын башчысы болуп турганда терроризмди колдогон өлкөлөрдүн НАТОго киришине «ооба» деп айта албайбыз»,-деди.
Греция менен болгон Жогорку деңгээлдеги стратегиялык кеңешме жыйындарын да токтоткондорун жарыялаганын эске салган президент Эрдоган: «Бул эмнени билдирет? Эй Греция, өзүңө кел дегенди билдирет. Сен өзүңдү иретке келтирген жоксуң, ошондуктан биз Жогорку деңгээлдеги стратегиялык кеңешти жоюп салдык. Мицотакис эми менин маектешим эмес. Эмнеге? Мен саясатты жекече жүргүзгөн адамдар менен мамиле кылам.
Сен мени менен сүйлөшөсүң, тамак жейбиз, «арабызга үчүнчү өлкөлөрдү, адамдарды киргизбейли» дейбиз, буга убада бересиң; Андан кийин арадан 15 күн өтөт, АКШга барасың, Америка Конгрессинде Түркияга каршы сөз сүйлөйсүң. Бул эмне? Ал ошол жерден ала турган кол чабуулар үчүн. Таарынбасын...
Биздин алар менен жасай турган эч нерсебиз жок. Бир гана нерсе кылуу керек; Биз менен дос болгондор менен доспуз, бирок алар бизге душман катары карагандарга эмне керек болсо, ошону кылаарыбызды жакшы билиши керек»,-деди.
