Түрк аба жолдорунан украиналык жүргүнчүлөргө билдирүү

Түрк аба жолдору (THY) Украинадагы кырдаалдан улам бул өлкөгө билет сатып алган жүргүнчүлөргө карата акчаны кайтаруу жана өзгөртүү укуктарына байланыштуу жарыя кылды.

THYнын веб-сайтындагы жарыяга караганда, Украинадагы кырдаалдан улам 2022-жылдын 13-февралында же андан мурда билет сатып алган, 13-28-февраль күндөрү Киев, Одесса, Львов, Харьков, Запорожье жана Херсон каттамдарына катталган жүргүнчүлөрдүн айрым укуктардан пайдалана ала тургандыктары айтылды.

Билдирүүдө төмөнкүлөр белгиленди:

«Өзгөртүү укуктарынын негизинде учууларын 2022-жылдын 31-мартына чейинки каттамдарыбызга эч кандай төлөмсүз жана айыпсыз алмаштыра алышат. Алар оригиналдуу билеттин баа эрежелеринин алкагында багытты өзгөртө алышат. Билеттин жарактуу мөөнөтүн 2022-жылдын 31-мартына чейин эч кандай кошумча акча төлөбөстөн жана айыпсыз узарта алышат. Колдонулбаган билеттердин акысы кайтарылып берилет. Жарым-жартылай пайдаланылган, саякаты бүтө элек билеттерде, билеттеги пайдаланылбаган каттамдар үчүн төлөм кайтарылат».