Түркия-Афганистан-Пакистан жыйыны эртең Стамбулда өтөт

Түркия, Афганистан жана Пакистандын тышкы иштер министрлеринин үч тараптуу жыйыны эртең Стамбулда өтөт.

Тышкы иштер министрлигинин жазуу түрүндөгү билдирүүсүндө, жыйындын алкагында Афганистан тынчтык процесси менен катар коопсуздук, энергетика, байланыш жана мыйзамсыз миграция сыяктуу үч өлкөнүн ортосундагы кызматташтык тармактарынын карала тургандыгы белгиленди.

Билдирүүдө ошондой эле тышкы иштер министри Мевлүт Чавушоглунун ооган жана пакистандык кесиптештери менен эки тараптуу жолугушууларды өткөрүүнү пландап жаткандыгы белгиленди.