Эрдоган Түркия-Албания Фиер достук ооруканасынын ачылышына катышты

Президент Режеп Таййип Эрдоган Албания менен катар бардык Балкан өлкөлөрүнүн тынчтык, бейпилдик, туруктуулук жана өсүп-өнүгүүсү үчүн күч-аракет жумшап жатышканын белгиледи.

Президент Эрдоган, Түркия-Албания Фиер достук ооруканасынын ачылыш программасына түз байланыш аркылуу катышты.

Түркия-Албания карым-катнаштарынын барган сайын өнүккөндүгүн айткан президент, Түркиянын 30 жылдан ашуун убакыттан бери Албаниянын өнүгүүсүнө ар тараптуу колдоо көрсөтүп келе жаткандыгын белгиледи.

"Fier достук ооруканасынын 3 айда бүтөрүн айткан элек. 3 айга жетпей бүтүрдүк», деген Эрдоган: «6 операция бөлмөсү, 20 реанимация бөлүмү жана 130 тейлөө керебети менен албаниялык боордошторубуздун пайдалануусуна даяр болду. Ооруканада 387 саламаттык сактоо кызматкерлери ийиндешип кызмат кылышат»,- деди.

Президент Эрдоган, Албания менен катар бардык Балкан өлкөлөрүнүн тынчтык, бейпилдик, туруктуулук жана өсүп-өнүгүүсү үчүн күч-аракет жумшап жатышканын белгилеп: «Түркияны коркутуп-үркүткөн же атаандаш катары көргөндөр бир гана өз кызыкчылыктарынын негизинде чоң жаңылыштыкка туш болуп жатышат», деп кошумчалады.