Президент Эрдоган: «Түркияны дүйнөлүк брендге айландырууга жакындап баратабыз»

Президент Режеп Таййип Эрдоган, Түркияны ар түрдүү мотор иштеп чыгуу жана өндүрүү тармагында дарек өлкө кылуу максатына кадам сайын жакындаганарын айтты.

Президент Эрдоган, Эскишехирдеги "Улуттук тик учак мотору TEİ-TS1400дү тапшыруу жана Долбоорлоо борборунун ачылыш аземине" Стамбулдагы Вахдеттин сарайынан түз байланыш менен катышты.

Эрдоган өз сөзүндө дүйнөдөгү мотор технологиялары жаатындагы негизги өлкөлөрдүн саны аз экенин белгилеп, азыр TEİнин да (ТУСАШ мотор өнөр жайы аукционердик коому) мотор өндүргөн, долбоорлогон жана дүйнөдө саткан бренд болуу жолунда баратканын айтты.

Эрдоган: «Бул долбоорлор менен биз коргонуу өнөр жайындагы жаңы доорго кадам таштайбыз. Мотор иштеп чыгуу долбоорунун алкагында жумшала турган инвестициялар жана мүмкүнчүлүктөрдүн негизинде TEİ өз тармагында өлкөбүздө үлгү болот»,-деди.

Жаңы муундагы жеңил брондолгон унаалар, Алтай танкасы, учкучсуз учуучу учкучтар жана ракеталардын моторлорун да өндүргөндөрүн белгилеген Эрдоган, жакынкы арада бул кыймылдаткычтардын бардыгын инвентарга кошо тургандарын билдирди.

«Бир тараптан ТУСАШтын, экинчи тараптан жеке сектордун аракеттеринен улам авиациялык кыймылдаткыч менен бирге бардык моторлорду өндүрүүдө Түркияны дүйнөлүк брендге айландырууга кадам сайын жакындап баратабыз» деген Эрдоган коргонуу өнөр жайындагы унаалардын кыймылдаткычтарынын толугун жасап бүткөнгө дейре иш-аракеттерди уланта тургандарын баса белгиледи.