Террорго каршы күрөш уланып жатат

Шырнактын Жуди тоосу аймагында абадан колдоого алынган операцияда 2 террорист жок кылынды.

Ички иштер министрлигинин билдирүүсүнө караганда, "Чагылган-1 Жуди шейит жандармерия адиси сержант Мухаммед Ферди Гүнтекин" операциясынын алкагында, Шырнактын борбордук районуна караштуу Жуди тоосу аймагында Жандармерия командирлигине караштуу атайын операция бөлүктөрү жана жандармерия десанттары тарабынан операция жүргүзүлдү.

Аба күчтөрү командирлигинин колдоосу менен жүргүзүлгөн операцияда 2 террорист таасирсиз кылынды.

Аймакта операция уланууда.

Экинчи жагынан министрликтин дагы бир билдирүүсүндө, коопсуздук күчтөрүнүн ынандыруу аракеттеринин натыйжасында Хаккариде жикчил террордук уюм ПКК/КЖК мүчөсү болгон бир террористтин багынып бергендиги белгиленди.

Багынган террористтин 2004-жылы уюмга кошулгандыгы жана Иракта иш алып баргандыгы белгиленген билдирүүдө 1-январдан бери ынандыруу жолу менен багынып берген ПКК/КЖК уюмунун мүчөлөрүнүн саны 204кө жетти.