Түркиянын Грецияга Чыгыш Жер Ортолук деңиз боюнча каршылык көрсөтүүсү

Түркия, Грециянын Чыгыш Жер Ортолук деңизине байланыштуу акыркы билдирүүлөрүнүн чийки жана эч кандай баалуулугу жок экендигин билдирди.

Тышкы иштер министрлигинин басма сөз катчысы Хами Аксой, Грециянын Тышкы иштер министрлигинин, Түркиянын Чыгыш Жер Ортолук деңизиндеги сейсмикалык изилдөө иштерине байланыштуу билдирүүсүнө байланыштуу суроолорго жазуу түрүндө жооп берди.

Грециянын Тышкы иштер министрлигинин, «Оруч Реис» кемесинин Түркиянын Чыгыш Жер Ортолук деңизиндеги континенттик шельфинде жүргүзүүсүн улантып жаткан  сейсмикалык изилдөө иштерине байланыштуу белгилүү каршы пикирлерин кайталаган дагы бир билдирүү жарыялангандыгын белгилеген Хами Аксой: «Бул билдирүүлөр, Грециянын эл аралык мыйзамдарды жана конвенцияларды бузган максималисттик деңиз чек арасы айтымдарына таянып, биз үчүн эч кандай жобосу жок жана эч кандай мааниге ээ эмес. Түркия Чыгыш Жер Ортолук деңизинде эл аралык укуктун чегинде өзүнүн жана Түндүк Кипр Түрк Республикасынын (ТКТР) мыйзамдуу укуктарын жана алардын кызыкчылыктарын чечкиндүү коргоону уланта берет. Греция аймакта чечүүчү жолду каалаганын белгилеген билдирүүлөрү боюнча чынчыл болсо чыңалууну күчөтө турган билдирүүлөрдү жасоонун, аскерий операцияларга кошулуунун жана үчүнчү тараптарды Түркияга каршы адаштыруу жана үгүттөөнүн ордуна, биздин диалогго болгон чекене чакыруубузга оң жооп бериши керек »деген билдирүүсүн жарыялады.