Түрк-орус делегациясы жолукту, Орусияга ПКК тууралуу каршы чыгуу билдирилди
Тышкы иштер министрлигинин билдирүүсүнө караганда министрдин орун басары элчи Седат Өнал баштаган делегация Орусияда жолугушууларды өткөрдү.
Түркия, жикчил террордук уюм ПККнын бүгүнкү күндөгү жалган Сирия Демократиялык күчтөрү элементтеринин Орусияда жогорку башкаруучулар тарабынан кабыл алынышына каршы чыгуусун кайталады.
Тышкы иштер министрлигинин билдирүүсүнө караганда министрдин орун басары элчи Седат Өнал, тиешелүү мекемелердин өкүлдөрү кирген делегация менен 2020-жылы 31-август - 1-сентябрь күндөрүндө россиялык кесиптештери менен аймактык маселелер боюнча, айрыкча Ливия жана Сирия боюнча консультацияларды өткөрдү.
Кеңешүүлөрдө Түрк делегациясы Ливияда туруктуу жана дайыма болчуучу ок атпоонун камсыздалышы максатында Сирте жана Жуфранын маанисин баса белгиледи.
Бул аймактарды демилитаризациялоо ыкмаларын аныктоо керектиги баса белгиленди, ушул алкакта БУУ баштаган Ливиялыктар арасында өткөрүлгөн 5 + 5 биргелешкен аскердик комиссиясынын ишине колдоо жарыяланды.
Жолугушуулардын жүрүшүндө Берлин конференциясынын (2020-жылдын январь айы) резолюцияларын ишке ашыруунун жана Ливияда саясий чечимге жетишүү үчүн БУУнун колдоосу астында ливиялыктардын ортосунда камтылган саясий диалог жараянын баштоонун маанилүүлүгү белгиленди.
Ливияда саясий чечүүчү жол табылышына салым кошуу максаты менен Түркия менен Орусиянын ортосунда жолугушуулардын улантылышына чечим чыгарылды.
Министрликтин жарыясына караганда, Сирия темасында да, эң оболу Идлиб аянтындагы абал жана биргелешкен күзөттөрдүн ишке ашырылышы жөнүндө жагдайлыр каралды.
Ушул алкакта 2020-жылдын 5-мартындагы Идлибдеги чыңалууну азайтуууу аймагындагы кырдаалды турукташтыруу боюнча меморандумга кошумча протоколго ылайык, биргелешкен аракеттерди улантууга макулдашылды.
Женева шаарында өткөн Конституциялык Комитеттин үчүнчү айлампасынын жыйынтыгына баа берилип, саясий процессте импульсту сактоонун маанилүүлүгү баса белгиленди жана Астана процесси боюнча иштер баса белгиленди.
Жолугушууда жикчил террордук уюм ПКК / ЙПГнин көзөмөлүндөгү "Сирия Демократиялык Кеңеши" деп аталган элементтерден турган топтун Орусияга чакырылышы жана аны Орусиянын расмий бийлиги тарабынан жогорку деңгээлде кабыл алынышына байланыштуу каршы чыгуу билдирилди.
Бул сыяктуу кадамдардын Сириянын саясий биримдигинин жана жеринин бүтүндүгүнүн корголушуна кызмат кылбай турганы баса белгиленди.
