Эрдоган Москвага барып Путин менен жолукту

Президент Режеп Таййип Эрдоган иш сапары менен Орусиянын борбор шаары Москвага барды.

Эрдоган, Президенттик сарайы Кремлде кожоюн президент Владимир Путин тарабынан тосулуп алынды.

Эки лидер бетме-бет жолугушууга өтүүдөн мурда басма сөзгө кыскача маалымат берип, сүрөткө түшүштү.

Сөзүн Сирияда өткөн аптада шейит болгон Түрк аскерлери үчүн көңүл айтуу менен баштаган Путин, мындай окуялардын кайталанбоосу максатында процессти кылдат байкап жаткандарын билдирди.

Президент Эрдоган болсо, дүйнө жүзү учурда «Сириянын Идлиб аймагы үчүн таштала турган кадамдарды, чыгарыла турган туура чечимдерди» күтүп,байкап турушканын айтты.

Эки лидер андан соң бетме-бет жана делегациялар аралык жолугушууларга өтүштү.

Жолугушууларда Түркия-Орусия карым-катнаштары менен катар Сириядагы акыркы абал, анын ичинен өзгөчө Идлиб тууралуу пикир алмашылат.