Президент Р. Т. Эрдоган япон Nikkei гезитине интервью берди

Президент Р. Т. Эрдоган Япониянын Осака шаарында өткөрүлө турган Чоң жыйырмалар саммитинде АКШнын президенти Дональд Трамп менен сүйлөшүүсүнүн эки тараптуу карым  - катнаштардагы маселелердин ашылышы үчүн маанилүү экендигин белгиледи.

Эрдоган япон  Nikkei гезитине берген интервьюсунда Трамп менен өткөрө турган жолугушуу тууралуу маалымат берди  жана : «Бул жолугушуу арабыздагы кызматташтыкты өнүктүрүү үчүн маанилүү»,- деди. Эрдоган Трамптын июль айында Түркияга сапар менен келерин эске салды.

Түркиянын коопсуздук муктаждыктарынын негизинде С  - 400 абадан коргоо системасынын алынышына чечим чыгарылгандыгын белгилеген Эрдоган : «Саммитте урматтуу Трамп менен маселе тууралуу кенен сүйлөшөбүз»,- деди.

Ф  - 35 долбооруна да токтолгон президент АКШ башкаруусун эскертти : «Биз, долбоордун ошол эле учурда өндүрүүчү өнөктөшүбүз. Бизди чыгаруу сыяктуу жаңылыш аракет кылына турган болсо муну эл аралык арбитраждык сотко алып барабыз»,- деди.

Түркиянын НАТОдон алыстагандыгы тууралуу айтылгандарга да жооп берген президент Эрдоган : «Түркия НАТО ичинде маанилүү актер. Бирок 21 -  кылымда өлкөлөрдүн карым  - катнаштарын аз сандаган өлкө менен чектөөсү чынчылдык эмес»,- деди.

Тышкы саясатта түрдүүлүккө көңүлдөрдү бурган Эрдоган Түркия  - Орусия менен карым  - катнаштарынын эч бир өлкө жана уюмга каршы эмес экендигин баса белгилеп : «Түркия Европа  - ТрансАтлантика союздаштыгынын бир өнөктөшү»,- деди. Эрдоган Япония менен экономикалык карым  - катнаштарга да токтолду.

Эки өлкөнүн ортосунда экономикалык өнөктөштүк келишимине кол коюнун Түркиянын экономикалык тармактагы алдыңкылыктарынан экендигин белгилеген президент Эрдоган энергетика тармагындагы кызматташуусун өнүктүрүүгө да маани беришкендерин белгиледи.