Эрдоганга Дүйнөлүк мусулман кишилик сыйлыгы ыйгарылды

Президент Режеп Таййип Эрдоганга Ислам дүйнөсү жана эл аралык жамааттагы таасири жана күчүнүн себебинен 2018-жылдын «Дүйнөлүк мусулман кишилик» сыйлыгы берилишине чечим чыгарылды.

Нигерияда чыккан Muslim News Nigeria гезитинин редактору Рашид Абубакир, берген маалыматында « 2018-жылдын «Глобалдык мусулман кишилик сыйлыгын» Ислам дүйнөсүндө жана эл аралык жамаатта талашсыз таасири жана күчүнүн себебинен Түркиянын президенти Эрдоганга бердик»,-деди.

Президент Режеп Таййип Эрдогандын ар дайым карапайым калкты жактаганына көңүл бурган Абубакир: «Акыркы убактарда Сауд Арабия менен катар араб өлкөлөрү, Израилдин палестиндерди өлтүрүүсүнө үн катпай калса президент Эрдоган, Израилге каршы үнүн бийик чыгарган лидер болду»,-деп айтты.

Эрдогандын уйгур түрктөрүн жана аракандык мусулмандарды да ар дайым жактаганын белгилеген Абубакир: «Президент Эрдоган нигериялык мусулмандардын арасында да чоң колдоого ээ»,-деп айтты.

Абубакир, мусулман лидерлер менен Ислам дүйнөсүндөгү маселелерге карата биргелешип дагы көп иш-аракет кылуу чакырыгын салды.

Бир тараптан гезиттин баа берүүсүндө , Президент Режеп Таййип Эрдогандан кийин Катардын эмири Шейх Темим бин Хамед Ал Сани экинчи, Малайзиянын премьер-министри Махатхир Мухаммед да үчүнчү орунду ээледи.

Айда эки жолу чыккан  Muslim News Nigeria, Нигериядагы мусулмандардан баштап Ислам дүйнөсүндөгү жаңылыктарды чыгарып турат.