Алдыдагы күндөрдө Сирия жана Балкандар менен тыгыз дипломатия жүргүзүлөт

Тышкы иштер министри Мевлют Чавушоглу алдыдагы күндөрдө Сирия жана Балкандар менен тыгыз дипломатиянын болорун билдирди.

АКШнын Нью – Йорк шаарына жасаган сапарынын негизинде журналисттерге маалымат берген Чавушоглу президент Р. Т. Эрдогандын Германияга сапар менен баргандыгын белгиледи. Германиядан кийин Францияга барышарын айткан Чавушоглу : «Франциянын тышкы иштер министри Жан - Ив Ле Дриан менен Сирия тууралуу жолугушуу өткөрөбүз. Саясий процесс, Идлиб жана башка темалар жана албетте террор менен күрөшүү темаларын карап чыгабыз»,- деди.

Андан кийин Швейцариянын Женева шаарына барышарын баса белгилеген Чавушоглу : «Женевага барып Батыш Балкандар жыйынына катышабыз. Бул абдан маанилүү. Батыш Балкандардагы келишпестиктер ар дайым болуп келген. Өзгөчө шайлоо учурларында бул бир аз дагы олуттуу абалга келип жатат»,- деди.

Чавушоглу бир топ өлкөнүн президенттери жана премьер  - министрлери катыша турган бул жыйынга президент Эрдогандын атынан өзүнүн катышарын жана Түркиянын Батыш Балкандарга болгон колдоосун кайталай тургандыгын айтты.