Тышкы иштер министри Мевлют Чавушоглу Канадада чыккан бир журналга маек берди

Тышкы иштер министри Мевлют Чавушоглу : «Америка армиясынын ПЙД/ЙПГ террористтерине берген аскердик жардам, Түркиянын  коопсуздугуна эле коркунуч туудурбастан узун убакыттан бери келе жаткан өнөктөштүгүбүзгө да зыянын тийгизүүдө»,- деди.

Тышкы иштер министри Чавушоглу Канадада жарыяланган бир журналга түрк тышкы саясаты тууралуу бир топ темага байланыштуу маанилүү маалыматтарды берди.

Чавушоглу : «АКШ менен жогорку деңгээлдеги жолугушууларды улантуудабыз жана байланыш каналдарыбызды ачык кармоонун маанилүү экендигине ишенебиз»,- деди.  Чавушоглу : «2018 -  жылдын Сирияда кагылышуунун акыркы жылы болушу үчүн Астана, Сочи жана акырында Женева сүйлшүүлөрүнөн так жыйынтыктардын чыгышына ишенүү менен аракетибизди улантабыз»,- деди.

Мевлют Чавушоглу өзгчө Ирактын эгемендигин жана жеринин бүтүндүгүн сактап калуунун Түркия үчүн турмуштук мааниге ээ экендигине көңүлдөрдү бурду.

Ирак күрт аймактык башкаруусунун 2017 -  жылдын 25 -  сентябрында мыйзам тышы элдик добуш берүүсүнө каршы чыгышкандарын да эске салган Чавушоглу Ирак күрт калкын эч качан бутага алышпагандарын айтты. Чавушоглу Иерусалимдин статусу тууралуу да буларды билдирди : «Иерусалимди коргоо бүткүл адамзаттын милдети деп, эч кимдин Иерусалимдин статусу тууралуу бир тараптуу же калааганындай чечим чыгаруу укугуна ээ эмес»,- деди.

Тышкы иштер министри Түндүк Кореянын ядролук жана баллистикалык ракета сыноолоруна да токтолду. Министр Чавушоглу Түндүк Кореянын эл аралык мыйзамды бузгандыгын айтты.