Куттуу жумалык программасында жетекчилер сөз сүйлөштү

Бинали Йылдырым борбор Анкарада өткөрүлгөн «Пайгамбар жана ишеним коому» деген темада Куттуу жумалык программасына катышты. Бинали Йылдырым : «Динибизди коргообуз керек болгон эң коркунучтуу элементтердин башында динге кыянаттык турат. Динге кыянаттыктын 15 -  июлда бул өлкөгө жашаткандарын баарыбыз көрдүк»,- деди.

Коомдордун, жаш муундардын, балдардын руханий нарктарга ээ  болушун, алардын таза жана туура болгон маалыматка жетиши үчүн көп иштөөлөрү керектигин белгилеген Йылдырым батыш дүйнөсүндө күч алып жаткан улутчулдукка да токтолуп : «Тилекке каршы батышта мурунку салттык кыжырдануунун айынан исламга каршы чыгуу барган сайын күч алууда. Батыш маданиятында орун алган бир ислам коркуусу бар. Батыш бул оорусу менен сөзсүз бетешүүгө мажбур»,- деди.

Түркия Улуттук Парламентинин спикери Исмаил Кахраман да сөзүндө Азырети Мухаммедден баарынын илхам алышы керектигин, анын жолун жолдоо керектигин айтты.  Вице  - премьер Нуман Куртулмуш болсо : «Чоң бир цивилизациянын мурасчысы  болгон Түркиянын адамдары катары биздин аткаруубуз керек болгон нерсе ишенимдүү коомду куруу жолунда жоопкерчиликти орундатуу жана куруу»,- деди.

Дин иштери башкармалыгынын төрагасы Мехмет Гөрмез да сөзүндө Азырети Мухаммеддин аялдардын ишеним ичинде жашашы керектигин айтканына токтолду.