Эрдоган бүгүн Путин менен жолугушат

Президент Режеп Тайип Эрдоган 15-июлдагы төңкөрүш аракетинен кийин чет өлкөгө алгачкы сапарын бүгүн Орусияга жасайт.

Президент Эрдоган Орусиянын президенти Владимир Путин менен орус учагынын атып түшүрүлүшүнөн кийин биринчи жолу жолугушат.

Эки лидер Путиндин туулган жери болгон Санкт-Петербургда кезигишет.

Президент Эрдоган менен Путин алгач саат 13.00тө жүзмө-жүз жолугушуп, андан соң делегациялар аралык сүйлөшүүлөргө өтүшөт.

Ал эми саат 16.00да Эрдоган менен Путин биргелешкен маалымат жыйынын өткөрүшөт.

Жыйындан кийин түрк жана орус лидерлер эки өлкөнүн ишкерлерине кайрылышат.