Англияда Галатасарайдын тарыхый жеңиши...

Англияда Галатасарайдын тарыхый жеңиши...

Галатасарай УЕФА Чемпиондор Лигасынын А тайпасынын 2-жумадагы матчында эки жолу артта калганына карабастан Манчестер Юнайтедди 3-2 эсебинде жеңди.

Сары-кызыл түстүү команданын голдорун; Заха, Керем жана Икарди киргизишти.

Олд Траффорд стадионунда өткөн беттешти словакиялык калыс Иван Крузляк башкарды.

Манчестер Юнайтед 17-мүнөттө Расмус Хойлунддун голу менен 1:0 эсебинде алдыга чыкты.

Бул голдон 6 мүнөт өткөндөн кийин Вилфрид Заха сары-кызыл түстүү өкүлүбүздүн эсебин 1-1ге теңеди.

Беттештин биринчи жарымы ушундай эсеп менен аяктады.

Манчестер Юнайтед 67-мүнөттө Расмус Хожлунд киргизген гол менен дагы бир ирет алдыга чыкты.

Галатасарай 71-мүнөттө Барыш Алпер Йылмаз пас бергенде Керем Актүркоглу топту дарбазага тээп эсепти 2-2 кылды.

Англиянын командасындагы бразилиялык оюнчу Каземиро 77-мүнөттө пенальти жаратып, экинчи сарыдан кийин кызыл айып карточкасы менен оюндан четтетилди.

Аргентиналык чабуулчу Мауро Икарди 78-мүнөттө пенальтиден пайдалана алган жок, бирок 81-мүнөттө өзүн актап, гол киргизүү менен командасын 3:2 эсебинде алдыга чыгарды.

Калган мүнөттөрдө башка гол болбогондуктан, Галатасарай конокто Англиядан 3-2 эсебинде жеңиш менен кайтып, 3 упайга ээ болду.

Бул жыйынтык менен өкүлүбүз сапарын жеңилбестен улантып, тайпадагы упайларын 4кө жеткирди.

Манчестер Юнайтед 1 упайда калды.

Тайпадагы башка оюнда Бавария Копенгагенди 2-1 эсебинде утуп, 6 упайга ээ болду.