Крейчиковадан жер титирөөдөн жабыркагандарга колдоо...

Антальяда уюштурулган Billie Jean King Cup теннис турнирине катышкан дүйнөнүн 12 номери чех теннисчи Барбора Крейчикова иш-чарада утуп алган байгесин жер титирөөлөрдөн жабыркагандарга бере турганын айтты.

Чехия-Украина беттеши үчүн Белекке барган Крейчикова маалымат жыйынында, жер титирөөлөрдө болгон окуяларга жакындан байкоо салганын айтты.

Иш-чарада улуттук командасы үчүн ат салышканын билдирген Крейчикова: «Бул турнирде жеңе турган байгелердин баарын Түркиядагы жер титирөөлөрдөн жабыркаган элге колдоо катары бергим келет. Жаш теннисчилерге жардам көрсөтүүнү каалайм. Жер титирөөлөрдөн жапа чеккендерге жардам берсем абдан кубанычта болом. Жардамдардын кайда бара турганы, кантип жардам көрсөтсө болоору тууралуу Түркиянын теннис федерациясы менен тынымсыз байланыштабыз. Эгер алар менин ошол жерде болуумду чечишсе, мен ал жерге барып теннис ойногонума сыймыктанат элем»,- деди.