Кунц Буракка эң мыкты деген баасын берди...

Франциядагы «Лига 1дин» оюндарында Лилль Реймсти өз талаасында 2-1 эсебинде жеңип, бул сезондогу экинчи жеңишин алды.

Үй ээсинин эки голунда тең улуттук футболчубуз Бурак Йылмаз пас берди.

Футбол боюнча улуттук курама команданын жаңы машыктыруучусу Стефан Кунц Лилль-Реймстин беттешин стадиондо көрдү.

Немис машыктыруучусу социалдык медиа эсебинен «Лилль матчта Реймсти 2-1 эсебинде утуп алды, улуттук футболчубуз Бурак Йылмаз беттешти 2 голдук пас менен жыйынтыктады» деген жазуусу бар фото билдирүү жасады.

Лига 1дин 7-жумасында Лилль Реймсти кабыл алган беттеште үй ээлери Дэвиддин 31-мүнөттө жана Андренин 43-мүнөттө киргизген голдору менен 2-0 эсебинде алдыга чыгышты.

74 -мүнөттө Флипс пенальти киргизгенде Реймс айырманы 1ге түшүрдү.

Беттеште башка гол болгон жок жана Лилл 2-1 эсебинде жеңиш менен чыкты.

Улуттук оюнчулар Бурак Йылмаз менен Зеки Челик Лиллде 90 мүнөт ойношту.

Юсуф Языжы оюнга 75 -мүнөттө киргизилди.

Бул сезондо экинчи жеңишин алган Лилль упайын 8ге жеткирди. Реймс 7 упай боюнча калды.