Европа чемпионатынын финалында Италия менен Англия беттешет
Англия менен Дания Англиянын борбору Лондондогу Уэмбли стадионунда ойнолгон экинчи жарым финалдык беттеште күч сынашышты.
16-Европа Футбол чемпионатында (ЕВРО-2020), Англия Данияны 2: 1 эсеби менен утуп алды, анын кадимки убактысы 1-1 аяктады.
Англия менен Дания Англиянын борбору Лондондогу Уэмбли стадионунда ойнолгон экинчи жарым финалдык беттеште күч сынашышты.
30-мүнөттө Дания 1-0 эсебинде алдыга чыкты. Эркин тебүү укугуна ээ болгон топту жаза чийинин аркасында туруп тепкен Миккел Дамсгаард тегерек терини стилдүү тээп торго жиберди.
39-мүнөттө Англия Симон Кяердин өз талаасына киргизип алган тобу менен теңделди.
Таймаштын негизги убактысы 1-1 аяктап, кошумча убакыт башталды.
102-мүнөттө айып аянтчасына оң тараптан кирген Стерлинг, Маэле жана Женсен менен болгон беттеште жерде калды, жана калыс Дэнни Маккале пенальтини көрсөттү.
104-мүнөттө Гарри Кейн пенальтини аткарганда дарбазачы Шмейхель топту тосту, топ колунан учканда позициядан пайдаланган Кейн тегерек булгаарыны торго жиберип, командасын 2-1 алдыга алып кетти.
Калган бөлүмдө эсепти кантип сактап калууну билип, Англия атаандашын 2-1 эсебинде утуп, турнирдин тарыхында биринчи жолу финалга чыгуу ийгилигине жетишти.
Англия менен Италиянын ортосундагы акыркы беттеш 11-июль, жекшемби күнү Уэмбли стадионунда Түркия убактысы боюнча саат 22: 00дө болот.
Тектеш кабарлар
Испания лигасында Арда Гүлер...
Испания Ла Лигасынын 33-жумасында Реал Сосьедад менен Реал Мадрид Реал Аренада беттешти.