Түркия тайпасында 7 упай топтоп тизменин башында орун алды

Футбол боюнча улуттук курама команда FIFA-2022 Дүйнөлүк кубок тандоолорунун «G» тайпасында Латвия менен өткөргөн беттешүүсүн 3-3 эсебинде тең ойноду.

Стамбулдагы «Ататүрк» олимпиада стадионунда болгон  «G» тайпасындагы үчүнчү беттешинде Түркиянын голдорун 2-мүнөттө Кенан Караман, 33-мүнөттө Хакан Чалханоглу жана 52-мүнөттө Бурак Йылмаз пенальтиден киргизишти. Латвиянын голдорун 35-мүнөттө Саванниекстен, 58-мүнөттө Улдрийис жана 79-мүнөттө Икауниекс киргизди.

Президент Режеп Тайип Эрдоган беттешти стадиондо көрдү.

Биринчи оюнда Нидерландияны, экинчи беттеште Норвегияны утуп чыккан ай-жылдыздуу команда Латвия менен теңме-тең болуп, тайпада 7 упайга ээ болуп, тизмедегеи башкы орунду сактап калды.

Түркия Улуу Улуттук Жыйынынын (Парламент) төрагасы Мустафа Шентоп, Твиттер баракчасында «#BizimÇocuklar» этикеткасы менен бөлүшүүсүндө, «Бүгүн кечинде Дүйнөлүк чемпионатка бара жаткан жолдо бир аз тыным болду. Футбол боюнча улуттук курама командабызга жакшы 3 оюн, мыкты таймаш, 7 упай жана үч оюндагы 10 гол киргизгендиги үчүн ыраазычылык билдиребиз», сөздөрдүн жазды.

Вице-президент Фуат Октай FIFA-2022 Дүйнөлүк кубок тандоолорунун «G» тайпасында үчүнчү матчында өз талаасында тосуп алган Латвия менен 3-3 эсебинде тең чыккан «А» Улуттук футбол командасын  куттуктады.

Октай, өзүнүн социалдык медиа баракчасынан бөлүшүүсүндө, «Бул упай биздин көз мончок болсун. Жыйынтыгына карабастан, биз ар дайым «Биздин балдар» менен биргебиз»,деп жазды.