Министр Муш: «Бардык убакыттардын эң жогорку экспорту жасалды»
Министр Муш борбор шаар Анкарада өткөргөн маалымат жыйынында апрель айынын тышкы соода көрсөткүчтөрүн жарыялады.
Соода министри Мехмет Муш экспорттун апрель айында өткөн жылдын тийиштүү айына салыштырмалуу 24,6 пайыз өсүү менен 23,4 миллиард долларга жеткенин белгилеп: «Бул көрсөткүч бардык убактардын эң жогорку айлык экспорттук көрсөткүчү»,-деди.
Министр Муш борбор шаар Анкарада өткөргөн маалымат жыйынында апрель айынын тышкы соода көрсөткүчтөрүн жарыялады.
Түркиянын 2021-жылдагы экспорттогу чоң ийгилигинен кийин 2022-жылдын алгачкы төрт айында күчтүү көрсөткүчүн улантканын баса белгилеген Муш:«Апрель айында экспортубуз өткөн жылдын тийиштүү айына салыштырмалуу 24,6 пайызга өсүп, 23,4 миллиард долларга жетти. Бул көрсөткүч бардык мезгилдердин эң жогорку айлык экспорт көрсөткүчү.
2022-жылдын биринчи үч айында биз эң жогорку айлык көрсөткүчтөрдү жарыяладык. Ошентип, биздин өсүү сериябыз уланды. Бир тараптан 29-апрелде ишке ашырган 1 миллиард 956 миллион долларлык экспортубуз республиканын тарыхында бир күндө жасалган эң жогорку экспорт болгону үчүн абдан баалуу»,-деди.
Министр Муш тышкы соода көлөмүнүн апрель айында өткөн жылга салыштырмалуу 30,1 пайыз өсүп 52,8 миллиард долларга жеткенин, импорттун болсо 2021-жылдын ушул эле айына салыштырмалуу 35 пайыз өсүп 29,5 миллиард долларга жеткенин айтты.
Муш, 2022-жылдын уландысында күчтүү көрсөткүчтүн улана турганына жана экспортто жаңы рекорддорго жетишине толук ишенгенин белгиледи.
Тектеш кабарлар
Титаниктен чыккан саат аукционго коюлду
1912-жылы 14-апрелде чөгүп кеткен Титаниктеги 2224 жүргүнчүнүн 710у гана аман калган.