Түркиянын химия өнөр жайы

Түркиянын химиялык заттар жана өнүмдөрү секторунун экспорту өткөн айда 2020-жылдын тийиштүү мезгилине салыштырмалуу 80,5 пайызга өсүп 2 миллиард 130 миллион долларга жетти.

Түркиянын Экспортчулар Ассамблеясынын (TIM) маалыматына караганда, Түркиянын экспорту май айында өткөн жылдын тийиштүү мезгилине салыштырмалуу 65,5 пайызга өсүп 16 миллиард 480 миллион долларды түздү.

Жылдын биринчи 5 айында да экспорт 38,3 пайызга өсүп 85 миллиард 219 миллион долларга жетти.

2021-жылдын январь-май мезгилдеринде сектордун экспорту болжол менен 35 пайызга жогорулап, 9 миллиард 597 миллион доллар болду.