Түркиянын өнүгүүсүн токтото турган эч бир жалган күч жок
Президент Режеп Таййип Эрдоган,Стамбулда тышкы экономикалык байланыштар кеңешинин (DEİK) 2018-жылдын финансы боюнча жалпы кеңешинде сөз сүйлөдү.
Президент Режеп Таййип Эрдоган, Түркиянын өнүгүүсүн токтото турган эч бир жалган күч жок экенин айтты.
Эрдоган, Стамбулда тышкы экономикалык байланыштар кеңешинин (DEİK) 2018-жылдын финансы боюнча жалпы кеңешинде сөз сүйлөдү.
2002-жылы бийликке келишкенде Түркиянын экспортунун 36 миллиард доллар болгонун, эми болсо 170 миллиард долларга жеткенин белгилеген Эрдоган: «Күчүнө кирген түзөтүү менен 8582 экспортчубузга жашыл паспорт мүмкүнчүлүгүн алып келип, көп сандаган өлкөгө визасыз саякаттын жолун ачтык»,-деди.
Эрдоган, Түркиянын дипломатияда гуманитардык жардамдар болгону сыяктуу соода дипломатиясында дагы атагы чыга баштаганын кеп кылды.
2019-жылдын башкача боло турганын белгилеген Президент: «Жаман ойду жана үмүтсүздүктү каалгабызга жолотпой турсак, өлкөбүздүн өнүгүүсүн токтото турган эч бир жалган күч жок»,-деп айтты.
Индонезиядагы цунамиге дагы токтолгон Эрдоган: «Бүтүндөй Индонезия калкына Түркия калкынын атынан көңүл айтканыбызды ушул себеп менен бул жерден билдирген боломун»,-деди.
Тектеш кабарлар
Түркиянын туризм кирешеси өстү
Түркиянын статистикалык мекемеси, январь-март мезгилинин туризм көрсөткүчтөрүн жарыялады.
Түрк текстиль өнөр жайынын экспорту
Текстиль өндүрүүчүлөрү 183 өлкө жана эркин аймактарга өз өнүмдөрүн жөнөтүштү.