Евробиримдиктин тышкы иштер министрлери кезексиз жыйынга чогулат
Евробиримдик Ирандын Израилге кол салышын кескин айыптап, аны «аймактык коопсуздукка олуттуу коркунуч» деп атады.
2127506
Европа Биримдиги (ЕБ) өлкөлөрүнүн тышкы иштер министрлери Ирандын Израилге кол салуусунан кийинки кырдаалды талкуулоо үчүн 16-апрелде кезексиз жыйынга чогулат.
Евробиримдиктин тышкы иштер жана коопсуздук саясаты боюнча жогорку өкүлү Жозеп Боррелл өзүнүн X эсебинде жасаган билдирүүсүндө ЕБ тышкы иштер министрлерин 16-апрелде видеоконференция аркылуу жолугушууга чакырганын жарыялады.
Боррел: «Максатыбыз чыңалууну азайтуу жана аймактын коопсуздугуна салым кошуу»,-деди.
Евробиримдик Ирандын Израилге кол салышын кескин айыптап, аны «аймактык коопсуздукка олуттуу коркунуч» деп атады.
