Хуситтер: «Палестина маселеси боюнча позициябыздан тайбайбыз»

Йемендеги Иран колдогон хуситтердин лидери Абдулмалик аль-Хуси алар «Палестина маселеси боюнча позициясын бузбай жана артка чегинбей тургандарын» айтты.

Эл аралык Кудс күнүнөн улам уюштурулган «Кудс платформасы» иш-чарасында сөз сүйлөгөн Хуси, Акса Топону башталгандан бери (7-октябрь) Палестина калкына колдоо көрсөтүү үчүн колунан келгендин баарын кылгандарын айтты.

«Палестина темасында позициябыздан эч кандай тайсалдабайбыз жана бул темада артка кадам таштабайбыз»,-деп айткан Хуси, «жеңишке жеткенге чейин кызматташтыкты бекемдөөгө аракет кыла тургандарын» айтты.

Иран колдогон хуситтер Израилдин Газа тилкесиндеги кол салууларына реакция катары 31-октябрдан бери Йемендин жээктеринде израилдик компаниялар менен байланышы бар коммерциялык кемелерди колго түшүрүп, айрымдарына учкучсуз учуучу аппараттар жана ракеталар менен абадан сокку урууда.

Хуситтердин аракеттеринен кийин көптөгөн жүк ташуучу компаниялар Кызыл деңиздеги саякаттарын токтотуу чечимине келди.

Америка Кошмо Штаттары (АКШ) глобалдык деңиз соода коопсуздугу коркунучта деген негизде 18-декабрда ал бир топ өлкөлөрдүн катышуусунда хусилердин күчтөрүнө каршы «Бакыттын сакчысы операциясы» деп аталган көп улуттуу «деңиз жумушчу тобу» түзүлгөнүн жарыялады.

АКШ жана Улуу Британиянын кол салууларынан кийин Йемендеги хуситтер бул эки өлкөнүн бардык кемелерин бутага ала тургандарын жарыялашты.