БУУнун Ливандагы Убактылуу Тынчтык Күчү эскертти

Бириккен Улуттар Уюмунун Ливандагы Убактылуу Тынчтык Күчү (UNIFIL) Израиль армиясы менен Хизбуллах кыймылынын ортосундагы кагылышуулардын күчөп, жайылып баратканын эскертти.

UNIFIL  X социалдык медиа платформасынан Израиль күчтөрү жана Хизбуллахтын арасында  8 -  октябрдан бери уланып келе жаткан кагылышуулар тууралуу маалымат берди. 

Билдирүүдө көптөгөн адамдын өлүмүнө себеп болгон кагылышуулардын аймактагы үйлөргө жана инфраструктурага да зыян келтиргени белгиленген билдирүүдө : "Кагылышуулар Көгүлтүр линиянын эки тарабында (Израиль-Ливан чек арасы) он миңдеген жарандын өмүрүнө таасирин тийгизип,  коркунуч жаратууда. Кол салуулар күчөп, жайылып баратканын көрүп жатабыз",- деп айтылды.

Билдирүүдө UNIFILдын акыркы күндөрү чыңалууну азайтуу жана кооптуу түшүнбөстүктөрдү болтурбоо үчүн чыр - чатактын тараптары менен байланышта болгону белгиленип : "Акыркы абалдар саяий чечүүчү жолду коркунучка салуу потенциалына ээ",- деп айтылды. 

Билдирүүдө тараптарга аймактагы чыңалууну басаңдатууга, коопсуздук менен ырааттуулукту калыбына келтирүүгө жол ача турган дипломатиялык чечимге орун бошотуп берүүгө чакыруу салынды. 

Израиль армиясы жана Хизбуллахтын ортосунда  8 - октябрдан бери болуп жаткан  кагылышууда 219 Хизбуллах мүчөсү, 43 ливандык жаран, 11 Амал кыймылы, 12 Хамас жана 12 Исламдык Жихад мүчөсү, 6 израилдик жаран жана 11 аскер каза болду.