Индия жана Пакистанда эвакуациялангандардын саны 150 миңден ашты

Индия жана Пакистанга таасир этери күтүлгөн Biparjoy бороонунан улам эвакуациялангандардын саны 150 миңден ашты.

Пакистандын Метеорология департаменти бороон-чапкындын порт шаары Карачи менен бирге өлкөнүн түштүк аймактарын көздөй жылып баратканын, бүгүнтөн баштап катуу шамал жана нөшөрлөгөн жамгырга себеп болорун билдирди.

Аймактык апаат башкаруу башкармалыгы (PDMA), Пакистан менен Индиянын жээк аймактарына таасир этери күтүлгөн бороондон улам Пакистандын Бадин, Тэтта, Сужавал жана Малир аймактарынан ушул убакка чейин 81 миң 925 кишинин эвакуацияланганын жарыялады.

Эвакуация жана жардам иштерине колдоо көрсөтүү үчүн жээктеги аймактарга кургактык жана деңиз флотунун кызматкерлери жайгаштырылды.

Эвакуациялангандар үчүн Бадин, Татта, Сужавал жана Малирде жардам жана ден соолук лагерлери түзүлдү.

Жетекчилер балыкчыларга бороон коркунучу өткөнгө чейин (17-июнь) деңизге чыкпоону сунуштады.

Катуу бороондун бүгүн Кети Бандар менен Индиянын Гужарат жээктеринин ортосунда болору, катуу жамгыр жана күн күркүрөшүнүн эртеңкиге чейин улана турганы кабарланды.

Өлкөнүн Гужарат штатынын өкмөтү жээктеги сегиз аймактан 74 миңден ашуун адамдын коопсуз аймактарга көчүрүлгөнүн маалымдады.