Түштүк Африкада 14 киши селге кабылды

Түштүк Африканын Йоханнесбург шаарындагы Жукскей дарыясында сыйынып жаткан чиркөө мүчөлөрүнөн 14 киши нөшөрлөгөн жамгырдан кийин болгон дарыя ташкынын себебинен каза тапты.

Йоханнесбургдун чукул кызматтарынын билдирүүсүнө караганда, шаардагы Жукскей дарыясы катуу жааган жамгырдан улам ташкындады.

Селдин кесепетинен дарыяда диний жөрөлгөлөрдү аткарып жаткан 30 кишиден 14ү каза болду.

Селде дайынсыз жоголгон 16 адамды издөө иштеринин жүрүп жатканы билдирилди.