Израилдин Газа жана Рефахка кол салуулары...

Палестиналыктардын Рефах шаарындагы жана Газа тилкесинин түндүгүндөгү көптөгөн аймактарда белгиленген «коопсуз аймактарга» барууларын талап кылгандан кийин Израиль армиясы Газа тилкесинин бардык шаарларына бир убакта кургактык жана абадан сокку урууларын кеңейтти.

Израилдик күчтөр Газа тилкесинин түштүгүндөгү Хан Юнус шаарынын чыгышындагы аймактарга кирди.

Израиль Газанын түндүгүндө жашагандардан шаардын батыш тарабына көчүүсүн талап кылды.

Израилдин Газа тилкесинин ар кайсы жерлерин бутага алган кургактык жана абадан кол салууларында ондогон адам каза болуп, ондогон киши жараланды.

Кол салуулардын басымдуу бөлүгү Жибалия баш калкалоочулар лагеринде болгону, Газанын борборундагы Эс-Сабра конушундагы бир үйдү бутага алган бомбалоодо каза болгон жана жаралангандардын болгону белгиленди.

Израиль армиясынын кечки сааттардан бери Газанын түндүгүнө 30дан ашуун абадан чабуул койгону жана кол салуулардын аймакта уланып жатканы белгиленди.

Бир тараптан Израиль армиясынын билдирүүсүндө, Жибалияга чабуулдарды жасагандыгы жана кол салууларда «Хамастын аскердик канаты Иззеддин ел-Кассамга тиешелүү пункттар» бутага алынганы белгиленди.

Израилдик согуштук учактардын Газа тилкесинин түндүгүндөгү Бейт-Лахия шаарына кол салуусунан көбү аялдар жана балдар болгон 9 палестиналык каза болду.

Бир тараптан Израиль армиясынын согуштук учактары Газа тилкесинин түштүгүндөгү Рефах шаарында эл чогулган бир үй жана эки аймакка өзүнчө кол салды.

Күбөлөрдөн алынган маалыматка караганда Рефах шаарынын Арабия аймагынын Израилдин согуштук учактары тарабынан бутага алынышы натыйжасында бир үй-бүлөдөн 7 киши каза болду.

Рефах шаарынын түштүк жана чыгышында эл чогулган эки аймакка Израилдин согуштук учактары тарабынан  абадан кол салуу болуп, дагы 7 киши каза болду.

Жергиликтүү булактар ​​Израилдин аба соккусу Жибалия качкындар лагериндеги мектептин жанындагы имаратты бутага алганын жана жер которгон палестиналыктардын баш калкалаган учурунун кадрларын да бөлүштү.

Ошол эле учурда, Хамас кыймылынын Саясий бюросунун мүчөсү Иззат ал-Ришк Telegram баракчасына жасаган билдирүүсүндө, Израилдин премьер-министри Биньямин Нетаньяху менен Израиль армиясынын Газа тилкесиндеги чабуулдары «абсурд жана бузулган дөңгөлөктүн айланасында» болуп жатканын билдирди.

Хамастын аскердик канаты Иззеддин ал-Кассам бригадасы израилдик аскерлердин снайперден атылган көз ирмемдердин сүрөттөрүн бөлүштү.