Амстердам аэропортунда тыгыздык кризиси

Нидерландияда коопсуздук кызматкерлеринин жетишсиздигинен улам олуттуу тыгынга учураган Амстердам Схипхол аэропорту фирмалардан көптөгөн каттамдарды токтотууну суранды.

Аэропорттун билдирүүсүндө коопсуздук кызматкерлеринин жетишсиздигинен улам ашыкча жыш болгондугу белгиленди.

Билдирүүдө авиакомпаниялардан жергиликтүү убакыт боюнча саат 16.00 менен 23.00 ортосунда 3-терминалдан уча турган каттамдардын токтотулушу талап кылынганы белгиленди.

Аэропорттун кызматкерлери жүргүнчүлөрдөн көп күтүүгө карабастан каттамдары кечигип же жокко чыгарылса даяр болууну суранды.

Билдирүүдө бийликтегилер колунан келгендин баарын жасаганы айтылып, тыгыздыктан улам учпай калган жүргүнчүлөр компенсация талап кылуу үчүн аэропортко кайрылышы керектиги эскертилди.

Коопсуздук кезегине байланыштуу аэропорттун сыртында километрлер бою кезек пайда болуп жатканда, жүргүнчүлөр социалдык медиада аэропорттогу тыгыздыкты көрсөткөн сүрөттөрдү бөлүшүштү.

Кадрлардын жетишсиздигинен жана Схипхол аэропортундагы эс алуу сезонунан улам келип чыккан интенсивдүүлүктү азайтуу үчүн кызматкерлердин маянасы көтөрүлүп, каттамдар токтотулуп, кошумча чаралар көрүлгөнүнө карабастан, апрель айынан бери уланып келе жаткан көйгөйгө эч кандай чечим табылган жок.