Макрон Алиев жана Пашинян менен сүйлөштү

Франциянын президенти Эммануэль Макрон Азербайжандын президенти Илхам Алиев жана Армениянын премьер-министри Никол Пашинян менен телефон аркылуу сүйлөштү.

Елисей сарайынын жазуу түрүндөгү билдирүүсүндө, Макрондун Алиев жана Пашинян менен өткөргөн телефондогу сүйлөшүүлөрүндө Азербайжан менен Армениянын ортосунда кол коюлган ок атышпоо келишиминен кийин Франциянын артыкчылыктуу багыттарын билдиргендиги белгиленди.

Ошондой эле жаңжалдын аяктоосу менен Тоолуу Карабахта элди коргоо жана акыркы жумаларда үйлөрүн таштап качып кеткен он миңдеген адамдардын кайра кайтуусу үчүн сүйлөшүүлөрдү ак ниеттүүлүк менен улантуу керектиги айтылды.

Макрон өз өлкөсүнүн Тоолуу Карабах аймагына гуманитардык жардам көрсөтө турганын, диний жана маданий мурастарды коргоо боюнча чаралардын көрүлүшүн каалаганын белгиледи.