Ковид-19да тамеки

Тамеки чегүүнүн иммундук системанын реакциясын төмөндөтүп коронавирустук инфекциянын коркунучун жогорулаткандыгы билдирилди.

Калифорния университетинин (UCLA) илимпоздору лабораториялык шартта адамдын өзөк клеткаларынан жасалган дем алуу моделдеринин үстүндө жүргүзгөн изилдөөнүн жыйынтыгында, тамеки чегүүнүн интерферон деп аталган негизги иммундук системанын молекулаларынын туура иштешине тоскоол болгону аныкталды.

«Daily Mail» гезитинин отчетуна караганда, изилдөөдө тамекинин вирусту жуктурган клеткалардын санын үч эсеге көбөйткөндүгү байкалды.

Изилдөө тобунан доктор Брижит Гомпертс: «Эгерде сиз дем алуу жолдорун сепилди коргоп турган бийик дубалдар деп эсептесеңиз, тамеки тартуу бул дубалдарда тешиктерди ачууга барабар. Тамеки тартуу табигый коргонууну азайтып, вирустун жайгашуусуна шарт түзөт», деди.