Кытайда бир шахтаны суу басты

Синьхуа агенттигинин берген маалыматына караганда өлкөнүн түндүгүндөгү Шанши аймагында Shanxi Meijin Energy Co. Ltd.фирмасына таандык көмүр шахтасында кечээ болгон суу баскынынан кийин изилдөө – куткаруу иштери аяктады.

Изилдөө  - куткаруу жана саламаттык сактоо кызматкерлери тарабынан жүргүзүлгөн иштерде жумушчулардан алтоосунун сөөгү чыгарылды. Куткарылган беш жумушчу болсо ооруканада дарыланууда. Жергиликтүү жетекчилердин кырсыкка байланыштуу териштирүүсү улантылууда.