Украинада орус кинолорунун көрсөтүлүшүнө тыюу салынды

Украинанын президенти Петр Порошенко 2014-жылдын 1-январынан тарта тартылган орус кинотасмаларынын өлкөдө көрсөтүлүшүнө тыюу салган мыйзамды кабыл алды.

Жооптуу кызматкерлердин айтымына караганда бул мыйзам, улуттук коопсуздук деңгээлин жогорулатууга, коомдогу сепаратисттик ойлорду азайтууга жана мамлекеттик ыйгарым укуктарын күчөтүүгө багытталган.

Мыйзам 29-мартта парламентте кабыл алынган.

Орус кабар агенттиги ТАСС, аты аталган тыюу салуунун кинотасмалар менен катар сериал жана теле-программаларды да камтыганын билдирди.

Украинада 400дөн ашуун орус кинотасма жана сериалына 2014-жылдын август айынан бери көрсөтүлүшүнө тыюу салынганы белгиленүүдө.