Түркиядан Испания мен Италияға көмек

Коронавирус қатты әсер  еткен Италия мен Испанияға Түркия көмек жолдады. 

Ұлттық Қорғаныс министрлігі жанындағы әскери зауыттарда, тігін цехтары мен Машина және химия индустриясы мекемесінде отандық мүмкіндіктермен өндірілген арнайы маска және киім,  антибактериялық сұйықтықтар секілді медициналық материалдар әскери жүк ұшағына тиелді. 

Жолданған материалдар орналасқан сандықтардың үстінде италиан және испан тілдерінде Әзірет Мәулананың “Үмітсіздіктің артында қанша үміт бар.  Түнектің артында қанша күн бар” деген сөздері жазылған. 

Түркиядан жолданған материалдарды тасыған ұшақ Анкарадан алдымен Испанияға ұшып кетті.  Ұшақ артынан Италияға барады.