ИЫҰ басшылар саммиті сәтті өтті

Калын ТРТ Хабар тікелей эфирінде күн тәртіпке байланысты сұрақтарға жауап берді.

Президенттік аппараттың баспасөз хатшысы Ибрахим Калын Ислам Ынтымақтастық Ұйымының кезектен тыс саммитінің декларациясында «Шығыс Иерусалим-Палестина мемлекетінің  басқыншылық астындағы астанасы» деп жариялануының Америка Құрама Штаттарының шешіміне бір жолдама  ретінде қаралуы керектігін айтты.

Калын TRT Haber тікелей эфирінде күн тәртіпке байланысты сұрақтарға жауап берді.

Калын Түркияның үй иелігінде сәрсенбі күні ұйымдастырылған Ислам Ынтымақтастық Ұйымының кезектен тыс саммитіне байланысты АҚШ-тың Иерусалимді Израильдің астанасы ретінде тану шешімін тек Ислам Ынтымақтастық Ұйымы мүшесі 57 ел ғана емес, Еуропа, Латын Америка және Азия елдерінің негізінен барлығының қабылдамағанын айтты.

АҚШ-тың шешіміне тек Чехияның қолдау бергеніне назар аударған Калын «Америка қазір жалғыз қалды. Жалғыз өзі осы шешімді жасады. Бұның жаһандық деңгейде болуы керек» деді.

Калын Стамбұлдағы Ислам Ынтымақтастық Ұйымы (ИЫҰ) басшылар саммитінің сәтті өткенін, сондай-ақ бұның оңай болмағанын білдірді.

Президент Режеп Тайып Ердоғанның лидерлігінде болмаған жағдайда мұндай бір саммиттің жиналуының мүмкін емес екенін түсіндірген Калын мұндай бір күшті жолдаманың да әлемге берілмейтінін айтты.