Израиль елшілігі алдында наразылық
Анкарадағы акцияға депутаттар да қосылды.
Израильдің Газаға құрлық операциясын бастауына Анкарада азаматтар және депутаттардан наразылық келді.
Израиль Өкілетті елшілігінің алдына жиналған шерушілерге қосылған депутаттар операцияның дереу тоқталуын сұрап, Израильді айыптады.
Түркия-Палестина Достық тобының төрағасы депутат Мурат Йылдырым Израиль шабуылдарын тоқтатудың уақыты келгенін атап көрсетіп, БҰҰ-ның араға кіріп, жедел шешім қабылдауы керектігін айтты.
«Қажет болған жағдайда НАТО да араласуы керек» деген Йылдырым Израильдің осы ісі арқылы аймақ қан көліне айналатынын атап көрсетті.
Йылдырым «Қажет болса депутаттар ретінде Газаға қалқан ретінде барамыз» деді.
Ислам Ынтымақтастық ұйымының Түркия делегация төрағасы Орхан Аталай да Израильді тоқтату үшін әлемге үн қатты.
Республика халық партиясы депутаты Махмут Танал да Израильдің зұлымдығының есебін беруі керектігін айтты.
