Әзербайжан президенті Бинали Йылдырымды қабылдады

Әзербайжан президенті Ильхам Әлиев Түркі мемлекеттері ұйымы Ақсақалдар кеңесінің төрағасы Бинали Йылдырымды қабылдады.

Әзербайжан президенттік аппараты жасаған мәлімдемеге қарағанда "Низами Генжеви" атындағы халықаралық орталығы ұйымдастыратын «11-ші Жаһандық Баку форумына» қатысу үшін Бакуге барған Йылдырым Әлиев тарапынан қабылданды.

Қабылдауда Йылдырым "Низами Генжеви" атындағы халықаралық орталығының әлемде ықпалының артқанын және мекеменің маңызды халықаралық мәселелер талқыланатын бір платформаға айналғанын білдірді.

Форумның сәтті өтетініне сенімді екенін баса айтқан Йылдырым Түрік Мемлекеттері ұйымы Ақсақалдар кеңесіне берген қолдауы үшін Әлиевке алғыс айтты.

Әлиев президенттікке қайта сайланғаннан кейін дәстүр бойынша алғаш ресми сапарын Түркияға жасағанын еске салып, президент Режеп Тайып Ердоғанмен кездесуіне де тоқталды.

Қабылдау барысында Түркия мен Әзербайжан арасындағы қарым-қатынастар туралы пікір алмасылды.