Арнайы қызмет басшыларын қабылдады

Қырғызстан Президенті Садыр Жапаров 24-ші Түркітілдес елдердің арнайы қызметтері конференциясы делегацияларының басшыларын қабылдады.

Конференцияға Түркияның Ұлттық барлау ұйымының басшысы Хакан Фидан да қатысты.

Қырғызстан президенттігінің баспасөз орталығының мәлімдемесінде қарағанда, Жапаров Шолпан-Ата қаласында конференция делегацияларының басшыларымен өткен кездесуінде жаңа дәуір проблемаларын шешу және қиындықтар мен қауіптерді жеңудің жаңа көзқарастарды талап ететінін айтты.

“Бұл қауіптер мен сын-қатерлермен күресте айтарлықтай нәтижелерге қол жеткізу тек дәйекті және жүйелі жұмыс, бірлескен және келісілген күш-жігер арқылы мүмкін болатыны анық. Осы тұрғыда бұл платформаның мазмұнды және сындарлы жұмысы Түрік әлемінің қауіпсіздігі үшін маңызды үлес қосады деп ойлаймын” деді ол.

Кездесуге қатысушы елдердің арнайы қызметтері арасындағы тығыз өзара іс-қимыл қауіпсіздікті нығайтып, халықаралық лаңкестікпен, радикализммен және басқа да жаһандық проблемалармен тиімді күресуге көмектесетініне сенетінін айтқан Жапаров қырғыз тарапының тиімді жұмыс істеуге дайын екенін мәлімдеді.

Түркітілдес елдердің арнайы қызметтері конференциясы 1998 жылы 20 мамырда Стамбулда Әзербайжан, Қазақстан, Қырғызстан және Түркияның арнайы қызметтерімен құрылған. Өзбекстан конференцияға 2018 жылы қосылды.