Өзбекстанның сыртқы саудасы артты

Өзбекстанның сыртқы сауда айналымы жылдың алғашқи ширегінде 2018 жылдың осы кезеңімен салыстырғанда 27,2 пайыз артты. Сауда айналымы 9 миллиард 406,2 миллион долларға жетті.

Өзбекстан Мемлекеттік Статистика комитетінің хабарламасына қарағанда,  жылдың алғашқы үш айында Өзбекстанның экспорты 20,6 пайыз артып, 4 миллиард 132,7 миллион доллар болды.  Импорты 32,9 пайыз артып, 5 миллиард 273,5 миллион доллар болды.

Жылдың алғашқы ширегінде Өзбекстан экспортында бірінші орында алтын,  энергия және мұнай өнімдері,  азық-түлік,  түсті металдер мен қызмет саласы келеді.  Импортында болса басты орында машина және жабдықтары,  химия өнімдері, түсті метал келеді.