Тарихта 26 ақпан

1802 жыл... «Аласталғандар» және «Париж Құдай ана шіркеуі» сынды бірсыпыра классикалық шығарма жазған атақты жазушы Виктор Гюго Францияда дүниеге келді.

1992 жыл... Қарабах шайқасы барысында армян қарулы топтары Ходжалы ауданында бейбіт халықты қырды.  Қырғында 613 Әзербайжан азаматы қаза тапты. Олардың 106-сы әйел, 83-і бала болатын. 487 адам ауыр жараланды. 1275 адам тұтқынға алынды, 150 адам із-түзсіз жоғалып кетті. Кейіннен бейбіт халықтың басы кесіліп, көбінің өртелгені және көздерінің ойылғаны анықталды.  Адам құқықтары ұйымы Ходжалы қырғынын Қарабах шайқасы барысында болған ең ауқымды азаматтық қырғын деп атады.

2017 жыл... Лос-Анджелестегі 89-шы Оскар марапатында бір жаңалық болды.  Үздік фильм жүлдесін алған “Moonlight” фильмінің актерлерінің бірі Махершала Али «Үздік көмекші актер» жүлдесіне ие болды.  Али Оскар жүлдесін алған алғашқы мұсылман актер ретінде тарихта қалды.