Түрік ғалымының жетістіктері

Түрік ғалымы профессор, доктор Фатих Өмер Илдай лазерлік технологияның дамуына қосқан үлесі үшін Германияда «Александр фон Гумбольдт профессоры» сыйлығын алды.

Гумбольдт қоры кеше ел астанасы Берлинде марапаттау рәсімін өткізді.

Салтанатты шарада 12 зерттеушіге «Александр фон Гумбольдт профессоры» атағы берілді.

Марапатқа ие болған зерттеушілер қатарында түрік ғалымы профессор доктор Фатих Өмер Илдай да орын алды.

Александр фон Гумбольдт қорының профессорлығына лайық деп танылған Илдай марапатын Германияның Білім және зерттеу министрі Беттина Старк Ватцингерден алды.

Министр Ватцингер осында сөйлеген сөзінде профессор, доктор Илдайдың лазерлік зерттеулерін мадақтақтады. Ватцингер «Физиктер алдымен басқа шардың ішіне жабысып қалған басқа бір шарды сырттағы шарға зақым келтірместен жарып жіберу үшін лазерді пайдаланғаны айтылады. Бұл әсерлі жетістік. Бұған еш күмән жоқ. Лазер технологияның тек шарлармен ғана шектелмейтіні қаншама жақсы және  оны сіз сияқты ғалымдар үнемі пайдаланып келеді» деді.

Билкент университетінің электр және электроника инженериясы кафедрасында жұмыс істейтін профессор, доктор Илдай материалтанудағы жаңа зерттеу бағыттарын зерттеу және әлемдік деңгейдегі зерттеу орталығын құру үшін Бохум Рур университетіне шақырылды.