"TCG Anadolu"  қызметке дайын тұр

Әлемдегі алғашқы Қарулы Ұшқышсыз әуе көлігі кемесі және Түркияның ең үлкен әскери кемесі "TCG Anadolu" Теңіз Күштері қолбасшылығының қызметіне кіру алдында.

2019 жылдың мамыр айында теңізге түсірілген және теңізде қабылдау сынақтары 2022 жылдың маусымында басталған "TCG Anadolu" Көп мақсатты амфибиялық шабуыл кемесі бүгін Президент Режеп Тайып Ердоғанның қатысуымен өтетін салтанатпен Теңіз Күштері қолбасшылығына тапсырып беріледі.

"TCG Anadolu" кеме үстінде ұшып-қонуға болатын Қарулы Ұшқышсыз әуе көлігі кемелерімен әлемдегі «Тұңғыш Қарулы Ұшқышсыз әуе көлігі кемесі» аталады. Бұл үшін "Байкар" компаниясы тарапынан қанаттары жиналмалы "Байрактар ТБ3"  Қарулы Ұшқышсыз әуе көлігі дайындалуда.

Кемедегі қару-жарақ жүйелері, соғыс басқару жүйесі, электронды соғыс жүйелері, инфрақызыл іздеу және қадағалау жүйесі, электро-оптикалық іздеу жүйесі, лазерлік ескерту жүйесі, торпедаға қарсы қорғаныс жүйесі, радарлар, байланыс жүйелері, навигациялық жүйелер, ақпарат тарату жүйелері отандық және ұлттық мүмкіндіктермен жетілдірілді.

Кемені қажет болған жағдайда табиғи апаттан зардап шеккендерге көмек көрсету үшін де пайдалануға болады. Толық жабдықталған аурухана мен операциялық бөлменің арқасында ол табиғи апаттан зардап шеккендерге көмек көрсету, гуманитарлық көмек және босқындарды эвакуациялау операцияларында медициналық қолдау көрсете алады.

Ұзындығы 231 метр және ені 32 метр "TCG Anadolu" ұшу палубасына 10 тікұшақ немесе 11 Қарулы Ұшқышсыз әуе көлігін орналастырады, ал ангарда 19 тікұшақ немесе 30 Қарулы Ұшқышсыз әуе көлігін тасымалдауға болады. Кеме 1223 қызметкерді қабылдайды.